اور حضرت یزید ابن عبید (رح) (تابعی) کہتے ہیں کہ (ایک دن) میں نے حضرت سلمہ ابن اکوع کی پنڈلی پر زخم کا نشان دیکھ کر ان سے پوچھا کہ ابومسلم ! یہ کیسے زخم کانشان ہے ؟ انہوں نے کہا کہ یہ زخم خیبر کی لڑائی میں تھا (اور زخم بھی اتنا سخت تھا کہ) لوگوں میں مشہور ہوگیا کہ سلمہ کام آگیا (یعنی زخم کی تاب نہ لا کر شہید ہوگیا) لیکن ہوا یہ کہ میں (اس زخم کے ساتھ) نبی کریم ﷺ کی خدمت میں پہنچا، آپ ﷺ نے اس زخم پر تین بار دم کیا اور اس کی برکت سے وہ زخم (ایک لخت) ایسا اچھا ہوگیا کہ پھر اب تک مجھ کو کوئی تکلیف نہیں ہوئی۔ (بخاری )