Sahih Muslim: Hadith 2147

علی بن حجر، شعیب بن صفوان، ابویحیی، عبدالملک بن عمیر، ابوبردہ، حضرت ابوموسی (رض) سے روایت ہے کہ حضرت عمر (رض) زخمی ہوگئے تو حضرت صہیب اپنے گھر سے حضرت عمر (رض) کے پاس آئے اور ان کے سامنے کھڑے ہو کر رونے لگے تو اس کو حضرت عمر (رض) نے فرمایا کس بات پر روتے ہو ؟ کیا تم مجھ پر رو رہے ہو ؟ تو اس نے کہا اے امیرالمؤمنین اللہ کی قسم آپ (رض) ہی پر روتا ہوں، تو آپ (رض) نے فرمایا اللہ کی قسم تو جانتا ہے کہ رسول اللہ ﷺ نے فرمایا جس پر رویا جائے اس کو عذاب دیا جاتا ہے فرماتے ہیں میں نے اس کا ذکر موسیٰ بن طلحہ سے کیا تو انہوں نے فرمایا کہ حضرت عائشہ (رض) فرماتی ہیں ( کہ جن لوگوں کے بارے میں یہ حدیث وارد ہوئی ہے) وہ یہودی تھے۔