Sahih Muslim: Hadith 3097

یحییٰ بن یحیی، مالک، حضرت محمد بن ابی بکر ثقفی (رض) سے روایت ہے کہ انہوں نے حضرت انس بن مالک (رض) سے پوچھا جب کہ وہ دونوں منیٰ سے عرفات کی طرف جا رہے تھے کہ تم اس دن یعنی عرفہ کے دن میں رسول اللہ ﷺ کے ساتھ کیا کرتے تھے ؟ حضرت انس (رض) فرمانے لگے کہ کوئی تو ہم میں سے لَا اِلٰہَ اِلَّا اللہ پڑھتا تھا اور کوئی بھی اس پر نکیر نہیں کرتا تھا اور کوئی ہم میں سے اَللَّهُ أَکْبَرُ کہتا تھا تو اس پر بھی کوئی نکیر نہیں کرتا تھا۔