یحییٰ بن یحیی، یزید بن زریع، ایوب، محمد بن سیرین، حضرت ام عطیہ (رض) سے روایت ہے کہ نبی کریم ﷺ ہمارے پاس تشریف لائے اور ہم آپ ﷺ کی بیٹی کو نہلا رہی تھیں تو آپ ﷺ نے فرمایا اس کو پانی اور بیری کے پتوں کے ساتھ تین یا پانچ بار نہلاؤ یا اس سے زیادہ بار، اگر تم مناسب سمجھو تو آخری بار پانی میں کچھ کافور بھی ملا لینا جب تم فارغ ہوجاؤ تو مجھے اطلاع دے دینا جب ہم فارغ ہوگئیں تو ہم نے آپ ﷺ کو اطلاع دی تو آپ ﷺ نے اپنا تہبند ہماری طرف پھینک دیا فرمایا کہ اس کو سارے کفن سے نیچے لپیٹ دو ۔