سریج بن یونس، عبداللہ بن رجاء، حضرت موسیٰ بن عقبہ (رض) سے روایت ہے کہ مجھے حضرت محمد بن ابی بکر (رض) نے بیان کیا کہ میں نے حضرت انس بن مالک (رض) سے عرض کیا کہ آپ عرفہ کی صبح تلبیہ پڑھنے کے بارے میں کیا کہتے ہیں ؟ حضرت انس (رض) فرماتے ہیں کہ میں اور آپ ﷺ کے صحابہ اس سفر میں نبی ﷺ کے ساتھ تھے تو ہم میں سے کوئی تکبیر کہہ رہا تھا اور ہم میں سے کوئی لَا اِلٰہَ اِلَّا اللہ کہہ رہا تھا اور ہم میں سے کوئی بھی اپنے کسی ساتھی کو منع نہیں کرتا تھا۔