محمد بن عبداللہ بن نمیر، اسحاق بن ابراہیم، ابی کریب ابن نمیر، ابومعاویہ اعمش، شقیق حضرت عبداللہ (رض) سے روایت ہے کہ ہم نبی ﷺ کے ہمراہ پیدل چل رہے تھے کہ آپ ﷺ ابن صیاد کے پاس سے گزرے تو رسول اللہ ﷺ نے اس سے فرمایا میں نے تیرے لئے ایک بات چھپائی ہوئی ہے ؟ بتا وہ کیا ہے ؟ اس نے کہا دخ ہے رسول اللہ ﷺ نے فرمایا دور ہوجا اور تو اپنے اندازے سے تجاوز نہیں کرسکتا حضرت عمر (رض) نے عرض کیا اے اللہ کے رسول مجھے اجازت دیں تاکہ میں اس کی گردن مار دوں رسول اللہ ﷺ نے فرمایا اسے چھوڑ دو پس اگر یہ وہی ہے جس کا تمہیں خدشہ ہے تو تم اس کو قتل کرنے کی طاقت نہیں رکھتے۔