Musnad Imam Ahmad: Hadith 15111

شقیق کہتے ہیں کہ ایک مرتبہ حضرت معاویہ اپنے ماموں ابوہاشم بن عتبہ کی عیادت کے لئے گئے حضرت ابو ہاشم رونے لگے حضرت معاویہ نے پوچھا کہ ماموں جان کیوں رو رہے ہو کسی جگہ درد ہو رہا ہے یا دنیا کی زندگی مزید چاہتے ہو انہوں نے فرمایا دونوں میں سے کوئی بات نہیں ہے البتہ نبی ﷺ نے ہم سے ایک وعدہ لیا تھا اور فرمایا تھا اے ابوہاشم ہوسکتا ہے کہ تمہیں اتنامال دولت عطا ہو جو بہت سی اقوام کو نہ مل سکے لیکن مال جمع کرنے میں تمہارے لئے ایک خادم اور اللہ کے راستہ میں جہاد کے لئے ایک سواری ہی کافی ہونی چاہیے لیکن اب میں دیکھ رہاہوں کہ میں نے بہت سامال جمع کرلیا ہے۔ گذشتہ حدیث اس دوسری سند سے بھی مروی ہے۔