Musnad Imam Ahmad: Hadith 1633

ابو الحوراء سعدی کہتے ہیں کہ میں نے حضرت امام حسن (رض) سے پوچھا کہ آپ کو نبی ﷺ کی کچھ باتیں بھی یاد ہیں ؟ انہوں نے فرمایا کہ مجھے اتنا یاد ہے کہ ایک مرتبہ میں نے صدقہ کی ایک کھجور اٹھا کر اپنے منہ میں ڈال لی تھی، نبی ﷺ نے تھوک سمیت اسے باہر نکال لیا اور اسے دوسری کھجوروں میں ڈال دیا، ایک آدمی کہنے لگا کہ اگر یہ ایک کھجور کھالیتے تو کیا ہوجاتا ؟ آپ انہیں کھالینے دیتے ؟ نبی ﷺ نے فرمایا ہم آل محمد ﷺ کے لئے صدقہ کا مال حلال نہیں ہے، نیز میں نے نبی ﷺ سے پانچ نمازیں یاد رکھی ہیں۔