Musnad Imam Ahmad: Hadith 16597

حضرت ابوالاحوص (رض) کے والد سے مروی ہے کہ ایک مرتبہ نبی ﷺ نے مجھے پراگندہ حال میں دیکھا تو پوچھا کہ کیا تمہارے پاس کچھ مال و دولت ہے ؟ میں نے عرض کیا جی ہاں ! نبی ﷺ نے فرمایا کس قسم کا مال ہے ؟ میں نے عرض کیا کہ اللہ نے مجھے ہر قسم کا مال مثلا بکریاں اور اونٹ وغیرہ عطاء فرما رکھے ہیں، نبی ﷺ نے فرمایا پھر اللہ کی نعمتوں اور عزتوں کا اثر تم پر نظر آنا چاہیے چناچہ شام کو میں نبی ﷺ کی خدمت میں حلہ پہن کر حاضر ہوا۔ گذشتہ حدیث اس دوسری سند سے بھی مروی ہے۔