Musnad Imam Ahmad: Hadith 16846

حضرت ابورمثہ (رض) سے مروی ہے کہ میں اپنے والد کے ساتھ نبی ﷺ کی خدمت میں حاضر ہوا، میں نے نبی ﷺ کے سر پر مہندی کا اثر دیکھا اور کندھے پر کبوتری کے انڈے کے برابر مہر نبوت دیکھی تو میرے والد کہنے لگے یا رسول اللہ ! ﷺ کیا میں آپ کا علاج نہ کروں کہ میں طبیب ہوں، نبی ﷺ نے فرمایا اس کا طبیب اللہ ہے، جس نے اسے بنایا ہے، پھر فرمایا یہ تمہارے ساتھ تمہارا بیٹا ہے ؟ انہوں نے کہا جی ہاں ! نبی ﷺ نے فرمایا یاد رکھو ! یہ تمہارے کسی جرم کا اور تم اس کے کسی جرم کے ذمہ دار نہیں ہو۔