Musnad Imam Ahmad: Hadith 17117

حضرت عمرو انصاری (رض) سے مروی ہے کہ ایک مرتبہ وہ کہیں جا رہے تھے، ان کا تہبند ٹخنوں سے نیچے لٹک رہا تھا، اسی دوران نبی ﷺ ان کے قریب پہنچ گئے نبی ﷺ اپنی پیشانی پکڑ کر یہ کہہ رہے تھے اے اللہ ! میں تیرا بندہ ہوں، تیرے بندے کا بیٹا ہوں، تیری بندی کا بیٹا ہوں، میں نے عرض کیا یا رسول اللہ ! ﷺ میری پنڈلیاں بڑی پتلی ہیں، نبی ﷺ نے فرمایا عمرو ! اللہ نے ہر چیز کو بہترین انداز میں تخلیق فرمایا ہے، پھر نبی ﷺ نے اپنی چار انگلیاں عمرو کے گھٹنے کے نیچے ماریں اور فرمایا عمرو ! یہ ہے تہبند باندھنے کی جگہ، پھر اس کے نیچے ہاتھ رکھ کر چار انگلیان ماریں اور فرمایا عمرو ! یہ ہے تہبند باندھنے کی جگہ، پھر تیسری مرتبہ اس کے نیچے چار انگلیاں رکھ کر بھی یہی جملہ فرمایا۔