Musnad Imam Ahmad: Hadith 22652

حضرت معاویہ بن حکم (رض) سے مروی ہے کہ میں نے نبی کریم ﷺ سے پوچھا یا رسول اللہ ! یہ بتائیے کہ ہم زمانہ جاہلیت میں جو کام کرتے تھے مثلاً ہم میں سے بعض لوگ زمین پر لکیریں کھنچتے ہیں ؟ نبی کریم ﷺ نے فرمایا ایک نبی اس طرح لکیریں کھینچتے تھے سو جس کا خط اس کے موافق آجائے وہ صحیح ہوجاتا ہے میں نے پوچھا کہ ہم پرندوں سے شگون لیتے تھے (اس کا کیا حکم ہے ؟ ) نبی کریم ﷺ نے فرمایا یہ تمہارے ذہن کا ایک وہم ہوتا تھا اب یہ تمہیں کسی کام سے نہ روکے میں نے پوچھا یا رسول اللہ ! ﷺ ہم کاہنوں کے پاس بھی جایا کرتے تھے ؟ نبی کریم ﷺ نے فرمایا اب نہ جایا کرو۔