Musnad Imam Ahmad: Hadith 25988

عدیسہ بنت وھبان کہتی ہیں کہ ایک مرتبہ حضرت علی ان کے گھر بھی آئے اور گھر کے دروازے پر کھڑے ہو کر سلام کیا، والد صاحب نے انہیں جواب دیا، حضرت علی نے ان سے پوچھا ابومسلم آپ کیسے ہیں ؟ انہوں نے کہا خیریت سے ہوں حضرت علی نے فرمایا آپ میرے ساتھ ان لوگوں کی طرف نکل کر میری مدد کیوں نہیں کرتے ؟ انہوں نے کہا کہ میرے خلیل اور آپ کے چچازاد بھائی ﷺ نے مجھ سے یہ عہد لیا تھا جب مسلمانوں میں فتنے رونما ہونے لگیں تو میں لکڑی کی تلوار بنالوں، یہ میری تلوار حاضر ہے، اگر آپ چاہتے ہیں تو میں یہ لے کر آپ کے ساتھ نکلنے کو تیار ہوں اور وہ یہ لٹکی ہوئی ہے۔