Musnad Imam Ahmad: Hadith 695

مروان بن حکم سے مروی ہے کہ ایک مرتبہ ہم حضرت عثمان غنی (رض) کے ساتھ چلے جا رہے تھے کہ ایک شخص حج اور عمرہ دونوں کا تلبیہ کہتے ہوئے نظر آیا، حضرت عثمان (رض) نے پوچھا یہ کون ہے ؟ لوگوں نے بتایا کہ حضرت علی (رض) ہیں، حضرت عثمان (رض) نے ان سے فرمایا کہ کیا آپ کے علم میں نہیں ہے کہ میں نے اس کی ممانعت کا حکم جاری کردیا ہے ؟ فرمایا کیوں نہیں لیکن آپ کی بات کے آگے میں نبی ﷺ کی بات کو نہیں چھوڑ سکتا۔