Musnad Imam Ahmad: Hadith 7225

حضرت ابوہریرہ (رض) سے مروی ہے کہ نبی کریم ﷺ نے فرمایا مسکین وہ نہیں ہوتا جسے ایک دو کھجوریں یا ایک دو لقمے لوٹا دیں صحابہ کرام (رض) نے پوچھا کہ یا رسول اللہ پھر مسکین کون ہوتا ہے ؟ فرمایا جس کے پاس خود بھی مالی کشادگی نہ ہو اور دوسری کو بھی اس کی ضروریات کا علم نہ ہو کہ لوگ اس پر خرچ ہی کردیں۔ امام زہری (رح) فرماتے ہیں کہ یہ شخص محروم ہے۔ حضرت ابوہریرہ (رض) سے گذشتہ حدیث اس دوسری سند سے بھی مروی ہے البتہ اس میں یہ ہے کہ صحابہ (رض) نے پوچھا کہ یا رسول اللہ ! پھر مسکین کون ہوتا ہے ؟ فرمایا جس کے پاس خود بھی مالی کشادگی نہ ہو اور وہ لوگوں سے لگ لپٹ کر سوال بھی نہ کرتا ہو۔