حضرت ابوسعید خدری (رض) مروی ہے کہ نبی ﷺ نے فرمایا جو مسلمان کوئی ایسی دعاء کرے جس میں گناہ یا قطع رحمی کا کوئی پہلو نہ ہو، اللہ اسے تین میں سے کوئی ایک چیز ضرور عطاء فرماتے ہیں، یا تو فوراً ہی اس کی دعاء قبول کرلی جاتی ہے، یا آخرت کے لئے ذخیرہ کرلی جاتی ہے، یا اس سے اس جیسی کوئی تکلیف دور کردی جاتی ہے، صحابہ (رض) نے عرض کیا اس طرح تو پھر ہم بہت کثرت کریں گے ؟ نبی ﷺ نے فرمایا اللہ اس سے بھی زیادہ کثرت والا ہے