حضرت حارث بن زیاد (رض) سے مروی ہے کہ ایک مرتبہ وہ غزوہ خندق کے موقع پر نبی ﷺ کی خدمت میں حاضر ہوئے، اس وقت نبی ﷺ لوگوں سے ہجرت پر بیعت لے رہے تھے، عرض کیا یا رسول اللہ ! اس شخص کو بھی بیعت کر لیجیے، نبی ﷺ نے فرمایا یہ کون ہے ؟ عرض کیا کہ یہ میرا چچا زاد بھائی حوط بن یزید (یا یزید بن حوط) ہے، نبی ﷺ نے فرمایا میں تم سے بیعت نہیں لوں گا، لوگ تمہارے پاس ہجرت کر کے آتے ہیں، تم ان کے پاس ہجرت کر کے نہیں جاتے، اس ذات کی قسم جس کے دست قدرت میں محمد ﷺ کی جان ہے، جو شخص بھی انصار سے محبت کرتا ہوا اللہ سے ملاقات کرے گا، اللہ سے اس طرح ملے گا کہ اللہ خود اس سے محبت کرتا ہوگا اور جو شخص بھی انصار سے محبت کرتا ہوا اللہ سے ملاقات کرے گا، اللہ سے اس طرح ملے گا کہ اللہ خود اس سے محبت کرتا ہوگا اور جو شخص بھی انصار سے نفرت کرتا ہوا اللہ سے ملاقات کرے گا، وہ اللہ سے اس طرح ملے گا کہ اللہ خود اس سے نفرت کرتا ہوگا۔