حضرت کرز بن علقمہ سے مروی ہے کہ ایک آدمی نے نبی ﷺ سے پوچھا کہ کیا اسلام کی بھی کوئی انتہاء ہے نبی ﷺ نے فرمایا ہاں اللہ تعالیٰ عرب وعجم کے جس گھرانے کے ساتھ خیر کا ارادہ فرمائے گا انہیں اسلام میں داخل کردے گا راوی نے پوچھا کہ پھر کیا ہوگا نبی ﷺ نے فرمایا اس کے بعد سائبانوں کی طرح فتنے چھانے لگیں گے سائل نے کہا انشاء اللہ ایساہرگز نہ ہوگا نبی ﷺ نے فرمایا کیوں نہیں اس ذات کی قسم جس کے دست قدرت میں میری جان ہے پھر تم کالے سانپوں کی طرح ایک دوسرے کی گردنیں مارنے لگو گے۔