حضرت ابوعمیر سے مروی ہے کہ ایک دن ہم لوگ نبی ﷺ کے پاس بیٹھے ہوئے تھے کہ ایک آدمی کھجوروں کا ایک تھال لے کر آیا نبی ﷺ نے اس سے پوچھا کہ یہ صدقہ ہے اس نے کہا صدقہ نبی ﷺ نے اسے لوگوں کے آگے کردیا اس وقت حضرت امام حسن بھی نبی ﷺ کے سامنے لوٹ پوٹ ہو رہے تھے وہ بچے تھے انہوں نے ایک کھجور لے کر اپنے منہ میں ڈال لی نبی ﷺ نے ان کے منہ میں انگلی ڈال کر وہ کھجور نکالی اور ایک طرف رکھ دی اور فرمایا ہم آل محمد کے لئے صدقہ حلال نہیں ہے۔ گذشتہ حدیث اس دوسری سند سے بھی مروی ہے۔