حضرت ابوغادیہ جہنی سے مروی ہے کہ یوم عقبہ میں نبی ﷺ نے ہم سے خطاب کرتے ہوئے فرمایا لوگو ! قیامت تک تم لوگوں کی جان ومال کو ایک دوسرے پر حرام قرار دیا جاتا ہے، بالکل اسی طرح جیسے اس دن کی حرمت اس مہینے میں اور اس شہر میں ہے، کیا میں نے پیغام الٰہی پہنچادیا ؟ لوگوں نے تائید کی، نبی ﷺ نے فرمایا اے اللہ تو گواہ رہ، یاد رکھو ! میرے پیچھے کافر نہ ہوجانا کہ ایک دوسرے کی گردنیں مارنے لگو، کیا میں نے پیغام الٰہی پہنچا دیا۔ گذشتہ حدیث اس دوسری سند سے بھی مروی ہے۔