مروی ہے کہ ایک مرتبہ حضرت ابوہریرہ (رض) بیمار ہوگئے تو ان کے پیچھے حضرت معاویہ (رض) نے (ان کی خدمت سنبھالی اور) برتن لیا اور نبی ﷺ کے پیچھے چلے گئے، ابھی وہ نبی ﷺ کو وضو کرا رہے تھے کہ نبی ﷺ نے ایک دو مرتبہ ان کی طرف سر اٹھا کر دیکھا اور فرمایا معاویہ ! اگر تمہیں حکومت ملے تو اللہ تعالیٰ سے ڈرنا اور عدل کرنا، وہ کہتے ہیں کہ مجھے اسی وقت یقین ہوگیا کہ مجھے کوئی ذمہ داری سونپی جائے گی کیونکہ نبی ﷺ نے فرمایا تھا، چناچہ ایسا ہی ہوا۔