حضرت نعمان (رض) سے مروی ہے کہ ایک مرتبہ حضرت صدیق اکبر (رض) نبی کریم ﷺ کی خدمت میں حاضر ہوئے اور اندر آنے کی اجازت طلب کرنے لگے اسی دوران حضرت عائشہ صدیقہ (رض) کی اونچی ہوتی ہوئی آواز ان کے کانوں میں پہنچی، اجازت ملنے پر جب وہ اندر داخل ہوئے تو حضرت عائشہ (رض) کو پکڑ لیا اور فرمایا اسے بنت رومان ! کیا تم نبی کریم ﷺ کے سامنے اپنی آواز بلند کرتی ہو ؟ نبی کریم ﷺ نے درمیان میں آکر حضرت عائشہ (رض) کو بچالیا۔ جب حضرت صدیق اکبر (رض) واپس چلے گئے تو نبی کریم ﷺ حضرت عائشہ (رض) کو چھیڑتے ہوئے فرمانے لگے دیکھا ! میں نے تمہیں اس شخص سے کس طرح بچایا ؟ تھوڑی دیر بعد حضرت صدیق اکبر (رض) دوبارہ آئے اور اجازت لے کر اندر داخل ہوئے تو دیکھا کہ نبی کریم ﷺ حضرت عائشہ (رض) کو ہنسا رہے ہیں حضرت صدیق اکبر (رض) نے عرض کیا یا رسول اللہ ﷺ ! اپنی صلح میں مجھے بھی شامل کرلیجئے جیسے اپنی لڑائی میں شامل کیا تھا۔