حضرت عبدالرحمن بن ازہر (رض) کہتے ہیں کہ غزوہ حنین کے موقع پر حضرت خالد بن ولید (رض) زخمی ہوگئے تھے وہ نبی کریم کے گھوڑے پر سوار تھے کفار کی شکست کے بعد میں نے نبی کریم ﷺ کو دیکھا کہ آپ ﷺ مسلمانوں کے درمیان " جو کہ جنگ سے واپس آرہے تھے چلتے جارہے ہیں اور فرماتے جارہے ہیں کہ خالد بن ولید کے خیمے کا پتہ کون بتائے گا ؟ میں اس وقت نابالغ لڑکا تھا میں نبی کریم ﷺ کے آگے آگے یہ کہتے ہوئے دوڑنے لگا کہ خالد بن ولید کے خیمے کا پتہ بتائے گا ؟ یہاں تک کہ ہم ان کے خیمے پر جا پہنچے وہاں حضرت خالد (رض) اپنے کجاوے کے پچھلے حصے سے ٹیک لگائے بیٹھے تھے نبی کریم ﷺ نے آکر ان کا زخم دیکھا پھر اس پر اپنا لعاب دہن لگادیا۔