حضرت مرہ سے مروی ہے کہ ایک مرتبہ ہم لوگ نبی ﷺ کے ہمراہ مدینہ منورہ کے کسی راستے میں تھے نبی ﷺ نے فرمایا تم اس وقت کیا کرو گے جب گائے کے سینگوں کی طرح اکناف عالم میں فتنے پھیل پڑیں گے لوگوں نے پوچھا کہ یا رسول اللہ ہم اس وقت کیا کریں ؟ اسی دوران وہاں سے ایک نقاب پوش آدمی گذرا نبی ﷺ نے اسے دیکھ کر فرمایا کہ اس سن یہ اور اس کے ساتھی حق پر ہوں گے میں اس کے پیچھے چلا گیا اس کا مونڈھا پکڑا اور نبی ﷺ کی طرف اس کا رخ کرکے پوچھا یہ آدمی ؟ نبی ﷺ نے فرمایا ہاں دیکھا تو وہ حضرت عثمان غنی تھے۔