حضرت جابر (رض) سے مروی ہے کہ نبی ﷺ کی خدمت میں حضرت ماعز بن مالک حاضر ہوئے اور اپنے متعلق بدکاری کا اعتراف کیا نبی ﷺ نے رخ انور پھیرلیا وہ کئی مرتبہ آیا اور اعتراف کرتا رہا چناچہ نبی ﷺ نے اسے رجم کرنے کا حکم دیا لوگوں نے انہیں رجم کردیا اور نبی ﷺ کو آکر اس کی اطلاع کردی پھر نبی ﷺ خطبہ دینے کے لیے کھڑے ہوئے اللہ کی حمدوثناء کے بعد نبی ﷺ نے فرمایا کہ ہماری کوئی جماعت جب بھی اللہ کے راستے میں جہاد کے لئے نکلتی ہے تو ان میں سے جو شخص پیچھے رہ جاتا ہے اس کی آواز بکرے جیسی ہوجاتی ہے جو کسی کو تھوڑا سا دودھ دیدے واللہ مجھے ان میں سے جس پر بھی قدرت ملی اسے سزا ضرور دوں گا۔ حضرت جابر (رض) سے مروی ہے کہ ایک آدمی نے نبی ﷺ سے پوچھا کیا میں بکری کا گوشت کھانے کے بعد نیا وضو کروں نبی ﷺ نے فرمایا کہ اگر تم چاہو پھر راوی نے پوری حدیث ذکر کی۔ عبداللہ کہتے ہیں کہ میں نے حجاج بن شاعر کو اپنے والد سے یہ سوال کرتے ہوئے سنا کہ آپ کے نزدیک عمر ناقد اور معیطی میں سے زیادہ پسندیدہ کون ہے انہوں نے فرمایا کہ عمر ناقد سچ بولنے کی کوشش تلاش کرتا ہے۔