حضرت ابو قتادہ (رض) سے مروی کہ ایک مرتبہ نبی کریم ﷺ نے وضو کیا اور حرہ میں پانی کے گھاٹ کے قریب حضرت سعد (رض) کی زمین میں نماز پڑھی، پھر فرمایا اے اللہ ! تیرے خلیل، بندے اور نبی ابراہیم (علیہ السلام) نے تجھ سے اہل مکہ کے لئے دعاء مانگی تھی اور میں تیرے بندہ، نبی اور رسول محمد ﷺ تجھ سے اہل مدینہ کے لئے اس طرح دعاء مانگ رہا ہوں کہ تو ان کے صاع مد اور پھلوں میں برکت عطاء فرما، اے اللہ ! ہماری نظروں میں مدینہ کو بھی اس طرح محبوب بنا جیسے مکہ مکرمہ کی محبت ہمیں عطاء فرمائی ہے اور یہاں کی وباؤں کو " خم " کی طرف منتقل فرما اے اللہ میں مدینہ منورہ کے دونوں کناروں کے درمیان کی جگہ کو حرم قرار دیتا ہوں جیسے تو نے ابراہیم (علیہ السلام) کی زبانی مکہ مکرمہ کو حرم قرار دیا۔