حضرت عبادہ (رض) سے مروی ہے کہ ایک آدمی نبی کریم ﷺ کے پاس آیا اور کہنے لگا یا رسول اللہ ! ﷺ آپ کی امت پر آسانی کی مدت کیا ہے ؟ نبی کریم ﷺ نے اسے کوئی جواب نہیں دیا اس نے تین مرتبہ یہی سوال کیا اور نبی کریم ﷺ نے اسے ایک مرتبہ بھی جواب نہ دیا یہاں تک کہ وہ واپس چلا گیا تھوڑی دیر بعد نبی کریم ﷺ نے فرمایا وہ سائل کہاں ہے ؟ لوگ اسے بلا لائے نبی کریم ﷺ نے اس سے فرمایا تم نے مجھ سے ایسا سوال پوچھا ہے جو میری امت میں سے کسی نے نہیں پوچھا میری امت پر آسانی کی مدت سو سال ہے دو تین مرتبہ یہ بات دہرائی اس نے پوچھا کہ اس کے ختم ہونے کی کوئی علامت یا نشانی ہے ؟ نبی کریم ﷺ نے فرمایا ہاں ! زمین میں دھنسنا زلزلے آنا اور شیاطین کو لوگوں پر مسلط کردینا۔