ریاح بن حارث کہتے ہیں کہ ایک گروہ " رحبہ " میں حضرت علی (رض) کے پاس آیا اور کہنے لگا " السلام علیک یا مولانا " حضرت علی (رض) نے فرمایا کہ میں تمہارا آقا کیسے ہوسکتا ہوں جبکہ تم عرب قوم ہو ؟ انہوں نے کہا کہ ہم نے نبی کریم ﷺ کو غدیر خم کے مقام پر یہ کہتے ہوئے سنا ہے کہ میں جس کا مولیٰ ہوں علی بھی اس کے مولیٰ ہیں جب وہ لوگ چلے گئے تو میں بھی ان کے پیچھے چل پڑا اور میں نے پوچھا کہ یہ لوگ کون ہیں ؟ لوگوں نے بتایا کہ یہ کچھ انصاری لوگ ہیں جن میں حضرت ابوایوب انصاری (رض) بھی شامل ہیں۔ گذشتہ حدیث اس دوسری سند سے بھی مروی ہے۔