حضرت ابن عمر (رض) سے مروی ہے کہ فتح مکہ کے دن جب لوگ طواف اور سعی کرچکے تو نبی کریم ﷺ بیت اللہ میں داخل ہوگئے حضرت ابن عمر (رض) کو اس کا علم نہ ہوسکا جب انہیں اس کی خبر ملی تو وہ لوگوں کی گردنوں پر سوار ہوتے ہوئے نبی کریم ﷺ کی اقتداء میں اندر داخل ہونے لگے تو نبی کریم ﷺ سے ان کا آمنا سامنا اس وقت ہوا جب نبی کریم ﷺ باہر آچکے تھے انہوں نے حضرت بلال (رض) سے پوچھا کہ خانہ کعبہ میں داخل ہو کر نبی کریم ﷺ نے کیا کیا ؟ انہوں نے بتایا کہ نبی کریم ﷺ نے سامنے کا رخ کر کے دو رکعتیں پڑھیں پھر کچھ دیر دعاء کر کے باہر نکل آئے۔