حضرت ابوہریرہ (رض) سے مروی ہے کہ نبی کریم ﷺ گھر سے باہر تشریف لائیں تو آپ کے ساتھ حضرات حسنین (رض) بھی تھے ایک کندھے پر ایک اور دوسرے کندھے پر دوسرے اور نبی کریم ﷺ کبھی ایک کو بوسہ دیتے اور کبھی دوسرے کو اسی طرح چلتے ہوئے نبی کریم ﷺ ہمارے قریب آگئے ایک آدمی نے پوچھا یا رسول اللہ ﷺ آپ ان دونوں سے بڑی محبت کرتے ہیں نبی کریم ﷺ نے فرمایا جو ان دونوں سے محبت کرتا ہے گویا وہ مجھ سے محبت کرتا ہے اور جو ان سے بغض رکھتا ہے وہ مجھ سے بغض رکھتا ہے۔