سعید بن المسیب نقل کرتے ہیں کہ رسول اللہ (صلی اللہ علیہ وآلہ وسلم) جب خیبر سے واپس لوٹے تو رات کو سفر اختیار فرمایا یہاں تک کہ جب رات کا آخری حصہ ہوگیا تو آپ (صلی اللہ علیہ وآلہ وسلم) ایک مقام پر اترپڑے اور بلال (رض) سے کہا کہ صبح کی نماز کے لیے ہمارا خیال کرنا۔ پس آپ (صلی اللہ علیہ وآلہ وسلم) اور صحابہ کرام سوگئے۔ جب تک اللہ تعالیٰ کو منظور ہوا بلال جاگتے رہے پھر اپنی سواری کے ساتھ مشرق کی طرف رخ کر کے سہارا لگایا تو ان پر بھی نیند غالب آگئی پھر کوئی اٹھا نہ رسول اللہ (صلی اللہ علیہ وآلہ وسلم) بیدار ہوئے نہ بلال نہ کوئی اور سوار یہیاں تک کہ سورج کی شعائیں ان پر پڑیں تب رسول اللہ (صلی اللہ علیہ وآلہ وسلم) گھبرا کر اٹھے اور فرمایا اے بلال (یہ کیا بات ہے) بلال کہنے لگے میرے بھی نفس کو اسی نے قابو کرلیا جس نے آپ نے نفس کو قابو کیا آپ نے فرمایا یہاں سے کوچ کرو انھوں نے اپنی سواریوں کو اٹھایا اور وہاں سے کچھ فاصلے تک کوچ کیا پھر رسول اللہ (صلی اللہ علیہ وآلہ وسلم) نے بلال کو حکم دیا انھوں نے اقامت کہی اور ان کو فجر کی نماز پڑھائی پھر نماز سے فارغ ہو کر فرمایا جو آدمی اپنی کوئی نماز بھول جائے جب اس کو یاد آئے تو اس کو ادا کرے اس لیے کہ اللہ تعالیٰ نے ارشاد فرمایا اقم الصلوۃ لذکری تم میری یاد کے لیے نماز قائم کرو۔
قول محمد (رح) یہ ہے ہم اسی طرح اختیار کرتے ہیں سوائے ان اوقات کے کہ جن میں آنحضرت (صلی اللہ علیہ وآلہ وسلم) نے نماز پڑھنے سے منع فرمایا ہے۔
نمبر ١ سورج کے طلوع ہونے کے وقت یہاں تک کہ وہ طلوع ہوجائے اور کی روشنی سفید ہوجائے۔ نمبر ٢ زوال کا وقت یہاں تک کہ وہ ڈھل جائے ۔ نمبر ٣ اور سورج زرد پڑجائے یہاں تک کہ غروب ہوجائے ان تینوں اوقات میں اگر نماز یاد آئے تو اس کو اسی قوت پڑھنا ادرست نہیں البتہ اس دن کی عصر کی نماز باوجود سورج کے زرد پڑجانے کے غروب آفتاب سے پہلے درست ہی اور یہی یامام ابوحنیفہ (رح) کا قول ہے۔