ہشام کہتے ہیں میں نے سالم بن عبداللہ سے اس مسافر کا حکم دریافت کیا جس کو یہ معلوم نہ ہو کہ وہ کب سفر پر چل دے گا اور اس طرح ارادہ کرتا ہے آج نکلوں گا بلکہ ایک گھنٹہ کے بعد نکلوں گا۔ وہ اس طرح کرتا رہے یہاں تک کہ اس پر کئی راتیں گزرجائیں، کیا وہ قصر کرے گا یا کیا کرے گا سالم کہنے لگے وہ قصر کرے خواہ یہ مدت ایک مہینہ ہوجائے۔
قول محمد (رح) یہ ہے ہمارے ہاں جب مسافر کسی شہر میں داخل ہو اگر وہ اقامت کا پختہ ارادہ کرے اور وہ ارادہ کم از کم پندرہ دن یا سا سے زیادہ کا ہو تو وہ نماز کو مکمل کرے گا ورنہ وہ مسافر ہی رہے گا۔