نافع کہتے ہیں کہ عبداللہ بن عمر (رض) بارش میں امراء کے ساتھ مغرب و عشاء کو جمع کرتے اور ان کے ساتھ نماز ادا کرلیتے۔ اس اثر کو امام مالک (رح) نے مؤطا میں باب الجمع بین الصلاتین فی السفر میں ذکر کیا ہے)
قول محمد (رح) یہ ہے ہم اس قول کو نہیں لیتے۔ ہم ایک وقت میں دو نمازوں کو جمع نہیں کرتے۔ صرف ظہر و عصر کو عرفات اور مغرب و عشاء کو مزدلفہ میں جمع کرتے ہیں۔ یہی امام ابوحنیفہ (رح) کا قول ہے۔
محمد فرماتے ہیں کہ ہمیں عمر بن خطاب (رض) کا یہ اثر پہنچا کہ آپ نے اپنی مملکت کی اطراف میں یہ لکھ بھیجا کہ وہ دو نمازوں کو ایک وقت میں جمع نہ کریں بلکہ اس سے باز آئیں۔ اس لیے کہ یہ کبیرہ گناہ ہے۔ یہ اثر ہمیں مکحول کی سند سے پہنچا ہے۔