نافع کا بیان ہے کہ میں ابوہریرہ (رض) کے ساتھ عید الاضحی اور عید الفطر میں حاضر ہوا۔ انھوں نے پہلی رکعت میں قراءت سے پہلے سات تکبیرات کہیں اور دوسری رکعت میں قراءت سے پہلے پانچ تکبیریں کہیں۔
قول محمد (رح) یہ ہے : لوگوں نے تکبیرات میں اختلاف کیا ہے۔ پس جس روایت کو اختیار کیا ہے وہ اچھی ہے۔ مگر ہمارے ہاں افضل وہ ہے جس کو عبداللہ بن مسعود (رض) نے روایت کیا کہ وہ ہر عید میں نو تکبیرات کہا کرتے تھے۔ پانچ پہلی رکعت میں اور چار دوسری رکعت میں۔ پہلی رکعت میں تکبیر افتتاح اور رکوع کی تکبیر اور تین زائد۔ دونوں رکعات میں قرات میں دونوں قرائتوں کو پے درپے پڑھتے اسی لیے پہلی میں قراءت کو تکبیرات سے مؤخر کرتے اور دوسری میں تکبیرات کو قرات سے مؤخر کرتے اور امام ابوحنیفہ (رح) کا بھی یہی قول ہے۔ (اول رکعت ٣ زائد + افتتاح کی تکبیر+ رکوع کی تکبیر کل پانچ تکبیرات ہوئیں۔ دوسری رکعت میں ٣ زائد+ تکبیر رکوع کل چار ہوئی = مجموع ٩ نو ہوگئیں۔