زید بن خالد جہنی (رض) نے بسر بن سعید (رض) کو ابو جہم (رض) کے باس بھیجا کہ ان سے دریافت کریں کہ انھوں نے نمازی کے سامنے سے گزرنے والے کے متعلق رسول اللہ (صلی اللہ علیہ وآلہ وسلم) سے کیا سنا تھا۔ ابوب جہم (رض) کہنے لگے رسول اللہ (صلی اللہ علیہ وآلہ وسلم) نے ارشاد فرمایا۔ اگر نمازی کے آگے سے گزرنے والے کو یہ معلوم ہو کہ اسے کتنا گناہ ملا ہے تو وہ چالیس تک کھڑا رہنے کو اس کے سامنے گزرنے سے بہتر جانتا، ابو النضر راوی کہتے ہیں کہ مجھے معلوم نہیں کہ بسر نے چالیس دن یا چالیس ماہ یا چالیس سال کہا تھا۔