واسع بن حبان کہتے ہیں کہ میں مسجد میں نماز ادا کررہا تھا اس وقت عبداللہ بن عمر (رض) بیت اللہ کے ساتھ ٹیک لگائے بیٹھے تھے ۔ جب میں اپنی نماز مکمل کرچکا تو میں اپنی بائیں طرف سے ان کی طرف پلٹ کر لوٹا تو مجھے فرمانے لگے تم اپنی دائیں جانب کیوں نہیں پھرے۔ میں نے کہا میں نے آپ کو دیکھا تو آپ کی طرف پلٹ آیا۔ عبداللہ فرمانے لگے تم نے درست کیا۔ پھر فرمانے لگے نمبر ١ بعض لوگ کہتے ہیں کہ تم دائیں یا بائیں جانب جدھ رپسند کرو پھر جاؤ۔ نمبر ٢ پھر فرمانے لگے بعض لوگ کہتے ہیں کہ جب تم اپنی حاجت کے لیے بیٹھو تو قبلہ کی طرف رخ نہ کر رو اور نہ ہی بیت المقدس کی طرف رخ کرو عبداللہ فرمانے لگے میں اپنے گھر کی چھت پر چڑھا تو میں نے جناب نبی اکرم (صلی اللہ علیہ وآلہ وسلم) کو بیت المقدس کی طرف رخ کر کے قضائے حاجت کرتے دیکھا۔ (یہ روایت امام مالک (رح) نے باب الرخصۃ فی استقبال القبلۃ میں ذکر کی ہے، باب جامع الصلاۃ میں اسے ذکر کیا ہے) ۔
قول محمد (رح) یہ ہے : ہم عبداللہ بن عمر (رض) کے قول کو اختیار کرتے ہیں۔ نماز کا سلام پھیرنے کے بعد جس جانب چاہے پھر سکتا ہے اور بیت الخلاء میں پیشاب و پاخانہ کے وقت بیت المقدس کی طرف رخ کرنے میں حرج نہیں۔ قبلہ کی طرف منہ کرنا منع ہے۔ اور یین امام ابوحنیفہ (رح) کا قول ہے۔