حسن بصری (رح) کہتے ہیں کہ حضرت ابوبکر (رض) نے صف میں پہنچنے سے پہلے رکوع کیا پھر آہستہ آہستہ چلتے رہے یہاں تک کہ صف کے ساتھ آملے۔ پھر جب اپنی نماز مکمل کرلی تو جناب رسول اللہ (صلی اللہ علیہ وآلہ وسلم) کی خدمت میں اس بات کا تذکرہ کیا۔ آپ (صلی اللہ علیہ وآلہ وسلم) نے فرمایا۔ اللہ تعالیٰ تمہاری حرص میں اضافہ فرمائے۔ مگر ایسا دوبارہ مت کرو۔
قول محمد (رح) یہ ہے : ہم اسی طرح کہتے ہیں۔ یہ جائز و درست تو ہے مگر مجھے زیادہ پسند یہ ہے کہ ایسا نہ کیا جائے۔