ابوہریرہ (رض) سے روایت ہے کہ جناب رسول اللہ (صلی اللہ علیہ وآلہ وسلم) نے فرمایا۔ مسلمان پر اس کے غلام اور اس کے گھوڑے میں کوئی زکوۃ نہیں ہے۔
قول محمد (رح) یہ ہے : ہم اسی کو اختیار کرتے ہیں۔ کہ گھوڑوں میں زکوۃ نہیں ہے۔ خواہ وہ چرنے والے ہوں یا نہ ۔ البتہ امام ابوحنیفہ (رح) فرماتے ہیں جب وہ چرنے والے ہوں اور نر اور مادہ ہوں ان کو نسل کشی کے لیے رکھا گیا ہو تو ان میں زکوۃ ہوگی۔ اگر مناسب خیال کرو تو اس طرح ادا کرو کہ ہر گھوڑے پر ایک دینار دے دو اور اگر قیمت لگاؤ تو چالیسواں حصہ ادا کردو تو اس طرح بہی درست ہے اور یہی امام ابراہیم نخعی (رح) کا قول ہے۔