ابن عباس (رض) روایت کرتے ہیں کہ جناب رسول اللہ (صلی اللہ علیہ وآلہ وسلم) فتح کے سال مکہ کی طرف روانہ ہوئے اور یہ رمضان المبارک کا مہینہ تھا۔ آپ مقام کدید تک مسلسل روزے رکھتے رہے۔ پھر آپ (صلی اللہ علیہ وآلہ وسلم) نے افطار کیا تو لوگوں نے بھی افطار کیا۔ فتح مکہ کا یہ واقعہ رمضان المبارک میں پیش يیا اور صحابہ کرام کا طریقہ تھا کہ وہ آپ کے نئے سے نئے کام کو اختیار کرتے تھے۔ ( یعنی قدیم چھوڑ دیتے جدید اختیار کرتے کیونکہ نزول وحی اور نئے احکام آرہے تھے۔ اور صحابہ کرام اس مزاج کو سمجھ گئے تھے) ۔
قول محمد (رح) یہ ہے : سفر میں جو چاہے روزہ رکھ لے اور جو چاہے افطار کرلے۔ جو طاقت رکھتا ہو اس کے لیے روزہ افضل ہے۔ ہمیں (١) آپ (صلی اللہ علیہ وآلہ وسلم) کے متعلق یہ اطلاع پہنچی کہ جب آپ (صلی اللہ علیہ وآلہ وسلم) نے مکہ کی طرف سفر کیا تو ( راستہ میں) افطار کردیا کو کن کہ لوگوں نے روزے کی وجہ سے مشقت پہنچنے کا تذکر کیا۔ اسی لیے آپ (صلی اللہ علیہ وآلہ وسلم) نے افطار کردیا۔ اور ہمیں یہ روایت بہی پہنچی ہے کہ حمزہ اسلمی (رض) نے (٢) آپ (صلی اللہ علیہ وآلہ وسلم) سے سفر میں روزہ کے متعلق دریافت کیا تو آپ (صلی اللہ علیہ وآلہ وسلم) نے فرمایا اگر تو چاہے تو روزہ رکھ لے اور اگر مناسب خیال کرتا ہے تو افطار کرلے۔ ہم اسی کو اختیار کرتے ہیں اور یہی امام ابوحنیفہ (رح) کا قول ہے۔ ہم سے پہلے صحابہ اور تابعین کا قول بھی یہی ہے۔