عبد الرحمن بن مجبر کہتے ہیں کہ میں نے سالم بن عبداللہ بن عمر (رض) کو دیکھا کہ (جب ان کی ناک سے خون ہوتا تو ) وہ اپنی ایک انگلی یا دو انگلیان نتھنوں میں داخل کرے کے نماز سے نکل جاتے۔ اس پر اگر خون کا معمولی اثر ہوتا تو اس کو صاف کرتے پھر نماز ادا کرلیتے اور وضو کا اعادہ نہ کرتے۔
قول محمد (رح) یہ ہے کہ ان تمام آثار پر ہمارا عمل ہے۔ امام مالک رحمہ ان آثار کو نہیں لیتے بلکہ فرماتے ہیں کہ جب دوران نماز کسی کو نکسیر آجائے تو وہ خون کو دھو ڈالے اور اپنی نماز کو از سر نو شروع کرے۔ ( البتہ وضو کی حاجت نہیں) باقی امام ابوحنیفہ (رح) فرماتے ہیں کہ ابن عمر ر ضی اللہ عنہ اور سعید بن مسیب (رح) نکسیر آنے کی احلت میں لوٹ کر وضو کرتے اور سابقہ نماز پر بناء کرتے تھے۔ اگر اس دوران وہ کلام نہ کرتے۔ ہمارا یہی قول ہے۔ البتہ نماز کے دوران کثرت سے نکسیر کا خون آنے ـلگے تو پھر دیکھا جائے اگر سجد کرنے سی خون جاری ہوتا ہے تو وہ سر کے اشارہ سے نماز ادا کرلے تو نماز ادا ہوجائے گی اور اکر ہر دو حال میں خون یکساں بہتا ہو تو پھر بہر صورت سجدہ کے ساتھ نماز ادا کرے ( اشارہ سے نماز درست نہ ہوگی) اور اگر آدمی کی نکسیر پھوٹنے کی یہ کیفیت ہوۃ کہ جب وہ اپنی انگلی ناک میں داخل کرے تو اس پر خون کا معمولی نشان پایا جاتا ہے تو ایسی نکسیر سے وضو نہ ٹوٹے گا کیونکہ یہ نہ تو جاری خون ہے اور نہ قطرہ قطرہ ٹپکنے والا ہے۔ وضو فقط اس خون سے لازم ہوتا ہے جو یا تو بہنے والا ہو یا پھر قطرہ قطرہ ٹپکنے والا ہو۔ یہی امام ابوحنیفہ (رح) کا مسلک ہے۔