اسلم (رح) بیان کرتے ہیں کہ عمر بن خطاب (رض) نے طلحہ بن عبید اللہ کو احرام کی حالت میں رنگے ہوئے کپڑے پہنے پایا جبکہ وہ حالت احرام میں تھے۔ عمر (رض) نے پوچہا یہ رنگا ہوا کپڑا کیا ہے۔ اے طلحہ ! انھوں نے کہا اے امیر المؤمنین یہ مٹی کا رنگ ہے۔ تو عمر ر ضی اللہ عنہ فرمانے ل کے۔ اے جماعت صحابہ کرام تم لوگوں کے مقتداء و راہنما ہو۔ وہ تمہاری پیروی کرتے ہیں۔ اگر کوئی جاہل اس کپڑے کو دیکھے گا تو کہے گا کہ جل کہ بن عبید اللہ احرام میں رنگین کپڑا استعمال کرتے تھے۔
قول محمد (رح) یہ ہے : کہ محرم کے لیے مکروہ ہے کہ وہ زعفران، درس، اور عصفر سے رنگا ہوا کپڑا استعمال کرے۔ البتہ اگر کوئی ایسی چیز ہو کہ کپڑا دھوڈالنے سے اس کی خوشبو جاتی رہے تو اسے پہننے میں کوئی حرج نہیں جب کہ اس اس نے اسے دھو ڈالا اور اس کی خوشبو جاتی رہی اور وہ اس طرح ہوگیا کہ اس سے خوشبو بالکل نہیں مہکتی تو اس کے پہننے میں کوئی حرج نہیں۔ عورت کے لیے بھی جائز نہیں کہ وہ نقاب پہنے اگر وہ اپنا چہرہ ڈھانپنا چاہتی ہے تو اپنے دو پتے کے اوپر سے کپڑا لٹکالے جو چہرے کے سامنے لٹک جائے ۔ مگر چہرے سے لگا ہوا نہ ہو یہی امام ابوحنیفہ (رح) اور ہمارے عام فقہاء کا مسلک ہے۔