عروہ کہتے ہیں کہ میرے والد زبیر (رض) احرام کی حالت میں ہرنیوں کا گوشت بطور زادہ راہ ساتھ لیتے۔
(اس اثر کو امام مالک (رح) نے باب ما یجوز للمحرم اکلہ من الصید میں ذکر کیا ہے)
قول محمد (رح) یہ ہے : ہم ان تمام کو اختیار کرتے ہیں۔ جب غیر محرم نے شکار کو ذبح کردیا تو اس کا گوشت محرم اگر کھالے تو کوئی حرج نہیں۔ خواہ اس کی خاطر شکار کیا جائے یا اس کی خاطر شکار نہ کیا جائے کیونکہ غیر محرم نے اس کو شکار کیا ہے اور اسے ذبح بھی اسی نے ہی کیا ہے اور اس کے لیے شکار حلال ہے۔ پس وہ شکار کی حالت سے نکل گیا اور عام گوشت کی طرح بن گیا۔ پس جس طرح تمام گوشت کھانا محرم کو جائز ہے یہ بھی جائز ہے۔
مکڑی کے سلسلہ میں محرم کو شکار کی اجازت نہیں اگر اس نے شکار کرلیا تو کفارہ ادا کرے اور ایک کھجور مکڑی سے بہتر ہے۔ فاروق اعظم (رض) نے اسی طرح فرمایا۔ یہ امام ابوحنیفہ (رح) کا قول اور ہمارے عام فقہاء کا قول ہے۔