عمرہ کی کنیز رقیہ نے بیان کیا کہ میں نے عمرہ بنت عبد الرحمن کے ساتھ مکہ مکرمہ کا سفر کیا۔ عمرہ مکہ مکرمہ ٨ ذی الحجہ کو پہنچیں، میں بھی ان کے ہمراہ تھی۔ انھوں نے ( وہاں بہنچ کر) بیت اللہ کا طواف کیا اور صفا مروہ کے درمیان سعی کی۔ پھر مسجد حرام کے چبوترہ پر گئیں اور مجھے کہا کیا تمہارے پاس قینچی ہے ؟ میں نے عرض کیا نہیں۔ عمرہ نے کہا کہیں سے ڈھونڈ لاؤ۔ میں لے آئی۔ تو عمرہ نے اپنے سر کے بالوں کی مینڈھیوں کے پائی حصہ میں سے تھوڑا سا کاٹا۔ جب قربانی کا دن يیا تو ایک بکری ذبح کی۔
قول محمد (رح) یہ ہے : ہمارا اسی پر عمل ہے۔ عمرہ کرنے والے مرد یا عورت کو سعی سے فارغ ہو کر قصر کرنا ہوتا ہے۔ اور یوم نحر کو اگر قربانی میسر ہو تو ذبح کرے۔ یہی امام ابوحنیفہ اور ہمارے عام فقہاء کا قول ہے۔