ابن عمر (رض) سے روایت ہے کہ رسول اللہ (صلی اللہ علیہ وآلہ وسلم) بیت اللہ میں اسمہ بن زید، بلال، عثمان بن طلحہ حجی کے ہمراہ داخل ہوئے۔ عثمان نے دروازے کو اندر سے بند کردیا آپ اس میں کچھ دیر ٹھہرے رہے۔ عبداللہ کہتے ہیں کہ میں نے بلال (رض) سے استفسار کیا جبکہ وہ باہر نکلے کہ رسول اللہ (صلی اللہ علیہ وآلہ وسلم) نے اندر کیا عمل کیا ہے۔ انھوں نے بتلایا کہ آپ (صلی اللہ علیہ وآلہ وسلم) نے ایک ستون کو اپنے بائیں جانب کیا اور دو ستونوں کو اپنے دائیں جانب کیا۔ جبکہ تین ستون آپ کی پشت کی جانب تھے۔ پھر آپ (صلی اللہ علیہ وآلہ وسلم) نے نماز ادا فرمائی اس وقت بیت اللہ کے اندر چھ ستون تھے۔
قول محمد (رح) یہ ہے : ہم اس کو اختیار کرتے ہیں۔ بیت اللہ میں نماز پڑھنا خوب اور خوب ہے۔ اور یہی امام ابوحنیفہ (رح) اور ہمارے عام فقہاء کا قول ہے۔