ابو ایوب انصاری (رض) سے روایت ہے کہ حجۃ الواداع میں میں نے نبی اکرم (صلی اللہ علیہ وآلہ وسلم) کے ساتھ مزدلفہ میں مغرب و عشاء کی نمازیں جمع کرکے پڑھیں۔ (اس روایت کو امام مالک (رح) نے باب صلوۃ المزدلفہ میں ذکر فرمایا ہے)
قول محمد (رح) یہ ہے : ہم انھیں کو اختیار کرتے ہیں۔ مغرب کی نماز مزدلفہ پہنچنے سے پہلے ادا نہ کرے اگرچہ آدھی رات گزر جائے۔ جب مزدلفہ پہنچے تو ایک اذان اور ایک اقامت کے ساتھ مغرب و عشاء کی نمازیں ادا کرے یہی امام ابوحنیفہ (رح) اور ہمارے عام فقہاء کا قول ہے۔