عبداللہ بن عمر (رض) اپنے بچوں کو مزدلفہ سے منی کی طرف پہلے روانہ کرتے یہاں تک کہ وہ فجر کی نماز منی میں ادا کرتے۔ (اس روایت کو امام مالک (رح) باب تقدیم النساء والصبیان میں ذکر کیا ہے) اخرجہ البخاری والمسلم)
قول محمد (رح) یہ ہے کہ کمزوروں اور ضعفاء کو پہلے روانہ کرنے میں کوئی قباحت نہیں ہے۔ البتہ ان کو رمی جمرات کے لیے طلوع آفتاب کا انتظار کرنا لازم ہے۔ یہی امام ابوحنیفہ (رح) اور ہمارے عام فقہاء کا قول ہے۔