سلیمان بن ی سار بیان کرتے ہیں عبداللہ بن امیہ نے ذکر کیا کہ ایک عورت کا خاوند فوت ہوگیا۔ اس نے عدت کے چار ماہ دس دن پورے کئے۔ عدت سے فارغ ہو کر اس سے نکاح کرلیا۔ اس شوہر کے ہاں ساڑھے چار ماہ کے بعد اس کے بطن سے مکمل بچہ پیدا ہوگیا۔ اس کا ا خاوند حضرت عمر (رض) کے خدمت میں حاضر ہوا۔ آپ نے زمانہ جاہلیت کی چند بوڑھی عورتوں کو بلایا اور ان سے اس کے متعلق استفسار کیا۔ ان میں سے ایک عورت نے کہا میں آپ کو بتلاتی ہوں جب اس عورت کا خاوند فوت ہوا یہ حاملہ تھی۔ خون بہنے سے اس کا بچہ اس کے پیٹ میں خشک ہوگیا۔ جب اس نے دوسرے شوہر سے مباشرت کی تو بچے کو وہ پانی پہنچا اس نے ماں کے پیٹ میں حرکت کی اور بڑھ گیا۔
حضرت عمر (رض) نے اس بات سے اتفا اق کیا اور ان دونوں کے درمیان تفریق کرادی اور فرمایا تم دونوں کی اس میں کوئی شرارت نہیں۔ اور بچے کو اول خاوند سے ملحق کردیا۔
قول محمد (رح) یہ ہے : ہم اسی کو اختیار کرتے ہیں کہ بچہ پہلے خاوند کا ہے کیونکہ وہ عورت اس دوسرے خاوند کے پاس چھ ماہ سے کم مدت رہی ۔ اور عورت چھ ماہ سے کم مدت میں بچہ نہیں جن سکتی کیونکہ اس کی شرمگاہ سے فائدہ حاصل کیا گیا ۔ حق مہر مقررہ مقدار یا مہر مثل سے کم ہوگا۔ یہی امام ابوحنیفہ اور ہمارے عام فقہاء کا قول ہے۔