زیبب بنت کعب بنت عجرہ سے روایت ہے کہ فریعہ بنت مالک بن سنان (رض) جو ابو سعید خدری (رض) کی بہن تھیں فرماتی تھیں کہ میں نے نبی مکرم (صلی اللہ علیہ وآلہ وسلم) کی خدمت اقدس میں اس مقصد کے لیے حاضر ہوئی کہ کیا میں اپنے خاندان بنو خدرہ میں واپس چلی جاؤن ۔ جبکہ میرے شوہر جو مفرور غلاموں کی تلاش میں نکلے تھے۔ وہ ان کو پالینے کے قریب تھے کہ وہ غلام قدوم کے قریب مل گئے اور انھوں نے ان کو قتل کردیا۔ وہ بیان کرتی ہیں کہ میں رسول لالہ (صلی اللہ علیہ وآلہ وسلم) سے سوال کیا کہ مجھے اپنے خاوندان بنی خدرہ مں ر لوٹنے کی اجازت دی جائے۔ کیونکہ میرے شوہر نے مجھے میرے ذاتی مکان میں نہیں چھوڑا۔ آنحضرت (صلی اللہ علیہ وآلہ وسلم) نے فرمایا۔ ہان تم جاسکتی ہو۔ میں وہاں سے نکلی اور گھر چھوڑنے کے قریب تھی کہ حضور (صلی اللہ علیہ وآلہ وسلم) نے بلایا یا کسی بلانے والے کو بھیجا۔ پس میں آنحضرت (صلی اللہ علیہ وآلہ وسلم) کی خدمت میں حاضر ہوئی تو آپ (صلی اللہ علیہ وآلہ وسلم) نے ارشاد فرمایا۔ تم نے کیا کہا تھا ؟ تو میں پوری بات بیان کردی جو پہلی کہی تھے۔ حضور (علیہ السلام) نے ارشاد فرمایا تم عدت گزارنے تک اپنے اسی گھر میں رہو۔ فریعہ (رض) عنہا کہتی ہیں کہ میں نے اسی گھر میں چار ماہ دس دن گزارے۔ فریعہ (رض) عنہا کہتی ہیں کہ عثمان غنی (رض) کا دو خلافت تھا انھوں ن مجھے بلایا اور مجھ سے اس بارے میں دریافت کیا تو میں نے انھیں یہ بات بتلائی انھوں نے اس کی پیروی کرتے ہوئے اسی کے مطابق فیصلہ فرمایا۔ (اس روایت کو باب مقام المتوفی عنہا زوجہا فی بیتہا حتی تحل میں ذکر کیا ہے)