سعید بن مسیب (رح) فرماتے تھے کہ رضاعت وہی ہے جو گہوارہ میں ہو۔ رضاعت وہی ہے جس نے گوشت اور خون بڑھایا ہو۔
قول محمد (رح) یہ ہے : کہ حرمت اسی رضاعت سے ہے جو دو سال کے اندر اندر ہو۔ جو رضاعت اس مدت میں ہو وہ حرمت کا سبب ہوتی ہے۔ خواہ ایک بار ہی جوس لگایا ہو۔ جیسا کہ عبداللہ بن عباس (رض) ، سعید بن المسیب، عروہ بن زبیر رحمہم اللہ نے فرمایا۔ اور جو رضاعت دو سال کے عبد ہوگی وہ کچھ بہی حرام نہیں کرتی۔ اس لیے اللہ جل شانہ نے ارشاد فرمایا۔ والوالدات یرضعین تا الرضاعۃ۔ مائیں اپنی اولاد کو پورے دو سال دودھ پلائیں جو رضاعت پوری کرنا چاہتے ہوں۔ رضاعت کی انتہائی مدت دو سال ہے۔ اس کے بعد کوئی رضاعت نہیں جو کسی کو حرام کردے۔
امام ابوحنیفہ (رح) دو سال کے بعد بطور احتیاط چھ ما بڑھاتے تھے اور فرماتے تھے کہ یہ تیس مہنے ہیں۔ ان کے بعد کوئی رضاعت ثابت نہ ہوگی۔ اور ہمارے نزدیک یہ ( چھ ماہ بعد والی) حرام نہیں کرتی کیونکہ دو سال کے بعد مدت رضاعت اختتام پذیر ہوجاتی ہے۔ ہمارے ہاں مرد کا دودھ حرمت کو ثابت کرتا ہے اور ہمارے نزدیک رضاعت کے سبب وہ تمام چیزیں حرام ہوجاتی ہیں جو نسب کی ودجہ سے حرام ہوتی ہیں۔ اس لیے دودھ شریک بھائی پر رضاعی بہن جو باپ کی طرف سے ہو وہ حرام ہوجاتی ہے۔ خواہ ماں ایک نہ ہو۔ بشرطیکہ دونوں کا دودھ ایک ہی مرد سے ہو۔ جیسا کہ عبداللہ بن عباس (رض) نے ارشاد فرمایا کہ دود ایک ہی مرد کا ہے۔ اسی کو ہم اختیار کرتے ہیں اور یہی امام ابوحنیفہ (رح) کا قول ہے۔