عبداللہ بن عباس (رض) نے خالد بن ولید (رض) سے نقل کیا ہے کہ میں رسول اللہ (صلی اللہ علیہ وآلہ وسلم) کے ساتھ ام المؤمنین حضرت میمونہ (رض) عنہا کے گھر میں داخل ہوا۔ رسول اللہ (صلی اللہ علیہ وآلہ وسلم) کے سامنے ایک بھی ہوئی گوہ لائی گئی۔ آپ (صلی اللہ علیہ وآلہ وسلم) نے اس کی طرف ہاتھ بڑھایا تو جو عورتیں حضرت میمونہ (رض) عنہا کے گھر میں موجود تھیں۔ ان میں سے بعض نے کہا کہ رسول اللہ (صلی اللہ علیہ وآلہ وسلم) کو بتلادو، کیونکہ وہ اس کے کھانے کا ارادہ کر رہے ہیں۔ انھوں بتلایا کہ یہ گوہ ہے تو رسول اللہ (صلی اللہ علیہ وآلہ وسلم) نے اپنا ہاتھ کھینچ لیا۔ میں نے کہا کیا یہ حرام ہے ؟ حضور (علیہ السلام) نے فرمایا نہیں۔ لیکن یہ ہماری زمین میں نہیں ہوتی۔ اس لیے مجھے اس کے کھانے سے کراہت آتی ہے۔
خالد کہتے ہیں کہ میں نے اسے اپنی طرف کھینچ لیا اور کھالیا جب کہ رسول مقبول (صلی اللہ علیہ وآلہ وسلم) اسے دیکھ رہے تھے۔
(اس روایت کو امام مالک (رح) نے باب ما جاء فی اکل الضب میں ذکر کیا ہے)